მიხეილ სააკაშვილი: გენეტიკური ტესტი გავიკეთე, წვეთი სისხლი არაა ჩემში არაქართული

მიხეილ სააკაშვილი: გენეტიკური ტესტი გავიკეთე, წვეთი სისხლი არაა ჩემში არაქართული

წვეთი სისხლი არაა ჩემში არაქართული, – ამის შესახებ საქართველოს ყოფილმა პრეზიდენტმა, მიხეილ სააკაშვილმა „ფეისბუქზე“ დაწერა.

როგორც სააკაშვილი წერს, აშშ-ში პოპულარული გენეტიკური ტესტი გაიარა. მისივე თქმით, თითქმის 99%-ით ქართველი აღმოჩნდა და 1%-ით ბერძენი.

„წვეთი სისხლი არაა ჩემში არაქართული”, – ცნობისმოყვარეობამ მძლია და გავიარე ამერიკაში ძალიან პოპულარული გენეტიკური ტესტი. თითქმის 99%-ით ქართველი აღმოვჩნდი და 1% ით ბერძენი.

ეს ტესტი ზუსტად განსაზღვრავს შენი წინაპრების წარმომავლობას, მინიმუმ ბოლო ათასობით წლის განმავლობაში.

არ აღმომაჩნდა არც ერთი კვეთა რეგიონის სხვა მოსახლეობასთან. ამ კვლევის მიხედვით, ირანი და თურქეთი დაკავშირებულია საქართველოსთან, ოღონდ იმის გამო, რომ ამ ორ ქვეყანაში ისტორიულად ბევრი ქართველია.

აღმოჩნდა, რომ ჩემი წინაპრები საერთოდ არავისთან არ არეულან ქართველების გარდა მრავალი საუკუნის განმავლობაში და მე პირველმა დავარღვიე ეს ტრადიცია, ევროპელთან ქორწინებით.

ყველა მეზობელს პატივს ვცემ და რა თქმა უნდა ყველა ეთნიკური წარმოშობის საქართველოს პატრიოტი მიყვარს, მაგრამ აბა ახლა მოდით, იმათ გაიარონ გენეტიკური ტესტი, ვინც მუდმივად სხვა ეთნოსს მაკუთვნებდნენ და ედავონ მერე ზუსტ გენეტიკურ მეცნიერებას“,- წერს სააკაშვილი.