ბიძინა ივანიშვილი: მოგებაზე გათვლილი არც ერთი ბიზნესი არ მაქვს

ბიძინა ივანიშვილი: მოგებაზე გათვლილი არც ერთი ბიზნესი არ მაქვს

„მოგებაზე გათვლილი არც ერთი ბიზნესი არ მაქვს , ერთადერთი ბანკია და ისიც პასიურ იყო და მის მოშორებასაც ვაპირებ“, - ამის შესახებ პარტია „ქართული ოცნების“ თავმჯდომარე ბიძინა ივანიშვილმა „იმედის“ ეთერში ანაკლიის პორტის საკითხზე საუბრისას განაცხადა. მისივე თქმით, ანაკლიის პორტის პროექტი ბიზნესისთვის ხიბლიანი პროექტი არ არის.

„ანაკლიის პროექტი კერძო ბიზნესისთვის ნაკლებად საინტერესოა. კერძო ბიზნესი ცდილობს, რომ ხუთ-ექვს წელიწადში ფული ამოიღოს, მაქსიმუმ ათი წელიწადი - ეს ევროპული სტანდარტია და უფრო ხანგრძლივი დრო არის საჭირო, ფული დაიბრუნო. შესაბამისად, ეს არ არის ხიბლიანი პროექტი. საერთოდ მე არ ვთვლი, რომ აქ ბიზნესს ვაკეთებ. პირიქით მე ვეხმარები მხოლოდ და საკუთარს ვხარჯავ. მოგებაზე გათვლილი არც ერთი ბიზნესი არ მაქვს, ერთადერთი ბანკია და ისიც პასიურ იყო და მის მოშორებასაც ვაპირებ საბოლოოდ და მოხდება“, - განაცხადა ბიძინა ივანიშვილმა.

ივანიშვილის თქმით, ყოველგვარ საფუძველს მოკლებულია ის პოზიცია, რომ ანაკლიის პროექტის ჩაშლას, ან რუსეთისთვის გადაცემას ბიძინა ივანიშვილს აბრალებენ. ივანიშვილის განცხადები ამის შესახებ თავად მამუკა ხაზარაძემაც იცის, რადგან მან ხაზარაძეს ბოლო შეხვედრის დროს მადლობაც კი გადაუხადა, თუკი ის ამ პროექტის განხორციელებას შეძლებდა.