დავით მათიკაშვილი: “ნაციონალურ მოძრაობას” აქვს ნულოვანი ტოლერანტობა ზრდილობაში

დავით მათიკაშვილი: “ნაციონალურ მოძრაობას” აქვს ნულოვანი ტოლერანტობა ზრდილობაში

საპარლამენტო უმრავლესობის წარმომადგენელმა დავით მათიკაშვილმა იურიდიულ საკითხთა კომიტეტის სხდომაზე განაცხადა:

“ნულოვან ზღვარზე რომაა “ნაციონალური მოძრაობა” დასული, უკვე კარგად ჩანს და თუნდაც დღევანდელი დღეა ამის დასტური. ხელისუფლებაში ყოფნისას მათ ჰქონდათ ე. წ. ნულოვანი ტოლერანტობის პოლიტიკა დანაშაულთან მიმართებაში და ესეც ბრჭყალებში, რა თქმა უნდა, რადგან ყველაზე დიდი დამნაშავეები თვითონ იყვნენ. დღეს მათ ეს რესურსი არ გააჩნიათ, რადგან ქართველმა ხალხმა განაჩენი გამოუტანა უკვე რამდენჯერმე. ამიტომ მათ აქვთ ნულოვანი ტოლერანტობა ზრდილობასთან, ზნეობასთან მიმართებაში, რაც ძალიან კარგად დაინახა სრულიად საქართველომ. ნულოვანი ტოლერანტობის პოლიტიკის პირობებში ძალიან მარტივი იყო ნებისმიერი ბრალდების შეთხზვა, ნებისმიერი პირის დამნაშავედ გამოცხადება, რადგან ამისთვის მხოლოდ ერთი კაცის ბრძანება იყო საჭირო”.