ლევან ნიკოლეიშვილი: თქვენ რამე ხომ არ გეშლებათ?!

ლევან ნიკოლეიშვილი: თქვენ რამე ხომ არ გეშლებათ?!

ლევან ნიკოლეიშვილი (ანალიტიკოსი):

როცა ადამიანი არ ხედავს, ტუტუცია. ვინმე შეიძლება შემედავოს და მითხრას
- არა დებილიაო, ან სულელიო. არა ტუტუცი და გათახსირებული ჰქვიათ ასეთ ადამიანებს. იცით, ყველაზე ამაზრზენი რა არის? როცა მართლაც ლამისაა მსოფლიომ აღიარა კორონავირუსის წინააღმდეგ ხელისუფლების მიერ გატარებულ ღონისძიებათა ნუსხა - თვითიზოლაცისა და კარანტინის მკაცრი კონტროლი, დროულად გამოცხადებული საგანგებო მდგომარეობა, ეპიდემიის გავრცელების პრევენციის მიზნით ორი ქალაქის კარანტინში მოქცევა, აღარაფერი რომ არ ვთქვათ ქართველი ექიმებისა და ძალოვანი სტრუქტურების ეფექტურ ქმედებებზე... აი, ამ დროს გამოდიან ვიღაც სოფრომაძე და ძმანი მისნი და მოგვიწოდებენ სააკაშვილის, როგორც კრიზისების მართვის უბადლო მენეჯერის სასწრაფოდ ჩამოყვანას... და ყოველივე ამან უკვე დაგეგმილი პოლიტიკური, ინტრიგნული კამპანიური სახეც მიიღო! 

ახლა ყურადღებით მომისმინეთ: რამე ან ვინმე ხომ არ გეშლებათ? ხელისუფლებას უწუნებთ კრიზისების მართვას და ვისზე გველაპარაკებით? იმ სააკაშვილზე ხომ არა, თავის მოსახლეობაზე ფაქტიურად ნადირობა რომ ჰქონდა გამოცხადებული, თუ იმ სააკაშვილზე, რომელიც გორში თვითმფრინავის ხმის გაგონებაზე ჯერ მიწაზე რომ ფორთხავდა, მერე კი, პიპინია ერისთავის არ იყოს, თავის ცხენს რომ გამოასწრო და პირადი დაცვა მთლიანად საფრანგეთის საგარეო საქმეთა მინისტრ კუშნერს დაუტოვა?! ეს ის კაცი ხომ არაა, ოკუპირებულ ქართულ სოფლებს ქვების გროვა რომ უწოდა, საკუთარი მოსახლეობა მტერს შეატოვა და გმირი ბიჭების გვამები უპატრონოდ მიატოვა? თუ იმ ვაჟბატონზე მესაუბრებით, რომელსაც ოღონ ოდესაში ფული ეშოვა და საქართველოს მოქალაქეობაზე თქვა უარი? ოღონდაც მართლა მაინტერესებს, მას არ ეკითხებით? უნდა ახლა აქ ჩამოსვლა? იქნებ თქვენ წახვიდეთ მასთან?.. ჰო, მართლა, ჰალსტუხების წაღება არ დაგავიწყდეთ, უყვარს მაგას, კრიზისის დროს ჭამს, მენეჯმენტში ეხმარება თურმე.
თქვენ რომ ხალხის გვერდში დამდგომები არ ხართ, მაგას ყველა ხვდება უკვე, მაგრამ ხომ არ აჯობებს, იქნებ ცოტა ჭკუას მოუხმოთ და გაჩუმდეთ, ხალხი მაინც არ გააღიზიანოთ? კარგად ვხვდები, რომ სულ გაგიჟდით და გადაირიეთ, მაგრამ ღმერთისაც არ გეშინიათ?